Ekitaldiaren antolatzaileek azaldu dutenez, Durangoko EH Bilduren gaur egungo jardunaren lan ildo nagusiak azaltzea da agerraldi horren helburua. "Durangon EH Bildu ezkerreko alternatiba legez aurkeztea da asmoa", azaldu dute antolatzaileek. Gaineratu dutenez, koalizioko zinegotziak eta militanteak ez ezik, herritar guztiak gonbidatu gura dituzte ekitaldian parte hartzera.
Era berean, aurreratu dute Laura Mintegi EH Bilduko Eusko Legebiltzarreko bozeramailea izango dela gaurko agerraldiko hizlarietako bat.
