Otsailaren 1ean, zapatuan, jarriko dute martxan "elkarrekin, egoteko, dibertitzeko eta gustura egoteko tokia" eskaintzea helburu duen ekimena. 2007an jarri zuten lehenengo biderrez proiektua, "gurasoak eta umeak elkarrekin jolasteko aukera eskaini" guran, "herriko gainontzeko parke publikoen alternatiba estali legez". Txiki Park guneak duen harrera eta eskaria kontutan hartuta, aurten be, jarraipena eman gura izan diote ekimenari.
Landako erakustazokaren egutegia kontutan hartuta, zapatu eta domeketan egongo da zabalik jolasgunea; 17:00etatik 20:00etara, hain zuzen be. Jai egunetan be egongo da zabalik, gaineratu dutenez.
Doanekoa izango da sarrera erabiltzaile gzutientzat dagokion edukiera bete arte, udal arduradunek zehaztu dutenez. Bertan egongo diren jolasak bi eta bost urte bitarteko neska-mutilek erabiltzeko egokiak izango dira.