Bilduk zinegotzi berria dauka aste honetatik aurrera. Izan ere, Ion Andoni del Amok martitzeneko osoko bilkuran hartu zuen kargua.
Urriko bilkuran Arrate Elkorok utzitako hutsunea beteko du horrela. Del Amo soziologoa da, eta EHUko ikerlaria ere bai. Elkorok adierazi zuen arrazoi pertsonalengatik utzi zuela udaleko ardura. Baina udaletik kanpo lanean jarraituko duela ere azaldu zuen.