Osakidetzako zuzendari Jon Darponek adierazi du ez dela beharrezkoa Durangoko larrialdi zerbitzuak hobetzea. Horren aurrean, CCOOk exijitu dio Lan Ikuskaritzako agindua bete dezala, azterketa bat eginda. Lan-taldeko eta instalazioen hobekuntzak beharrezkoak direla dio sindikatuak.
Beharginei kritikak egiteari utzi eta zerbitzua hobetzeko eskatu dio CCOOk Jon Darpon Osakidetzako zuzendariari. Sindikatuak gogoratu du Lan Ikuskaritzak arrisku psikosozialen inguruko azterketa bat egitea agindu ziola Osakidetzari, eta oraindik ez da pausorik eman arlo horretan. Gainera, horren ordez, informazio-espedienteak zabaldu dituzte zenbait langileren kontra. Arazoa urteetan atzera sortutakoa dela gogoratu du CCOOk, eta hori Osakidetzako zuzendarien jarreragatik gertatu dela kritikatu du.
Bestalde, ohartarazi du asteburuetako larrialdi zerbitzua pribatizatu gura duela Osakidetzak.