Nazioarteko Gurutze Gorriaren bitartez eta garapenerako lankidetza programaren barruan, 10.000 euroko laguntza bideratuko du Durangoko Udalak Filipinetara. Horrela onartu dute du gizarte-ekintza batzordeak, ahobatez.
Filipinetan izandako hondamendia aztertzeko deitutako gizarte-ekintza batzordean onartu du. Nazioarteko Osasun Erakundearen arabera milaka hildako izan dira eta lurzoru handiak erabat suntsituta geratu dira. PSE-EEren ekimenez aztertu da gaia, sozialistek adierazi dutenez.
Gizarte-ekintza batzordeburu Goiztidi Diazek azaldu duenez, "hondamendiaren tamaina ikusirik, eta Filipinetako gizon-emakume kaltetuenak gogoan izanik erabaki dugu larrialdiko laguntza bidaltzea, hondamen ikaragarri honi elkartasun keinu-batez erantzuteko". Ohar baten bitartez, Diazek azaldu duenez, laguntza hori udalak garapenerako lankidetzara bideratzen duen partidatik atera dute, "izan be, uste dugu une honetan norbaitek laguntza behar badu Filipinak direla".