Asteburuan sektore ugaritako azoka egingo da Durangon. Asteon, ekimen hori iragartzeko kartelak agertu dira, eta EH Bilduk "pubilizitate sexista" dela kritikatu du.
Kartelean, emakume batek gizon bati esaten dio azokara joan gura duela. Dekorazioa, arropa, umeentzako gaiak eta antzeko eskaintzak egongo dira bertan. EH Bilduk esan du iragarkiak "estereotipo eta rol heteropatriarkalak" islatzen dituela. "Atzerapauso bat da gizarteak arlo honetan behar duen aldaketa urgentean, berdintasunaren bidean eta eskubide guztiak pertsona guztientzako bermatze bidean. Publizitate mota hori baztertu egin behar da eta gure kaleetatik desagertarazi".
Hori dela-eta, Aitziber Irigoras alkateari kanpaina hori kentzea agindu dezala exijitu diote. Gainera, neurri legalak ere hartu ditzala eskatu diote.