Parisko Auzitegiak zazpi urteko kartzela zigorra ezarri dio Jurdan Martitegiri, ETAren aparatu militarrean ardurak egotzita. 2009ko apirilean atxilotu zuten Martitegi, Gorka Azpitarte eta Alexander Uriarte ustezko bi etakideekin; azken bi hauei bost eta lau urteko zigorra ezarri die, hurrenez hurren. Zigorra amaitutakoan Frantzian bizitzeko debekua ere jarri diete hirurei.
Azpitarte eta Martitegi espetxean egon dira; Martitegiri azken honi zortzi urteko kartzela-zigorra ezarri zioten martxoan. Uriarte aske zegoen, zaintzapean, ia lau urte behin-behineko espetxealdian egon ondoren.