Asier Aginako preso durangarraren ama eta lehengusina zauritu dira, bisitan zihoazela istripua izanda. Aranjuezeko espetxean dago Aginako.
Aranjuezeko kartzelan (Espainia) dago preso durangarra eta aurrez-aurreko bisitara bidean zihoazela izan zuten, atzo, auto istripua. Ezbeharra 10:00ak aldera gertatu zen, Guadalix de la Sierra udalerriaren parean. Errepidearen estugune baten lur orotako ibilgailu batek atzetik jo eta bidetik atera ziren. Erietxera eroan dituzte biak; lesio zerbikalak eta lunbarrak dituzte. Horrezaz gain, bisitarik gabe geratu dira eta euren autoak kalte handiak izan ditu, Etxerat elkarteak azaldu duenez.
Etxerat-ek"sakabanaketan oinarritutako espetxe politika" bukatzea eta presoei nahiz euron senideei dagozkien eskubideak errespeta daitezen eskatu dute.