Tabira Jaiak elkarteak Talo Eguna antolatu du zapaturako. Azken urteotako ohitura da jaialdi hori, eta zapaturako ere hainbat ekintza prestatu dituzte.
Taloak eskainiko dituzte eguerdiko 12:00etatik aurrera. Baina, egitarauari 10:30ean emango diote hasiera, etxeko produktuen azoka zabalduko dute-eta. Azaldu dute azoka aurtengo nobedadea izango dela. Gainera, egun guztian umeentzako tailer ugari garatuko dituzte: gaztagintza, birziklapena, erroskillagintza, aurpegien margolariak... 16:00etan pailazoen emanaldia egongo da, eta 18:00etan txokolatada.
Giroa sortzea Zapatuko jaialdiagaz auzoan giroa sortzea da elkartearen helburua. Ekainean, San Pedro jaiak ere antolatzen dituzte helburu beragaz, adierazi dutenez.