Hiri Markaren aurkezpenaren harira, PSE-EEk adierazi du diseinu hori udalarentzako kostu barik egin zitekeela, eta 50.000 euro gastatu direla.
Durangoko Hiri Marka sortzeko ideia, merkataritza bultzatzeko PERCO mahaitik irten zen. PSE-EEko Pilar Riosek esan du, mahaiaren dinamizazioa eta markaren diseinua enpresa berari adjudikatu ziola gobernu taldeak: Ikei Research and Consultancy. Markarena, publizitate bako kontratu negoziatu bidez egitea kritikatu du. Guztira, 50.000 euro jaso ditu enpresak, Riosen arabera. Bere ustez, diru guzti hori aurreztu zitekeen: “Merkatarien elkarteak, bere teknikoekin lanak egitea proposatu zuen, eta udalarentzat ez luke kosturik edukiko”.