Loiolan egindako Europako kongresuaren barruan, Durangoko ikastetxea bisitatu dute.
Astehelenetik eguenera Europako Jesus Konpainiako Ikastetxeetako zuzendari ordeen kongresua egin dute Loiolan. Kongresu horren barruan, atzo, Durangoko Jesuitak ikastetxeko azpiegiturak bisitatu eta bertan aurrera eroaten dituzten proiektuen berri izan zuten. Guztira, Europa osoko (Alemania, Frantzia, Italia, Erresuma Batua…) jesuiten ikastetxeetako 102 ordezkari inguru batu ziren.
Lehenengo, hamar minutuko meza eman zuten Jesuiten elizan. Ondoren, Durangoko Jesuitak ikastetxeko zuzendari Isabel Kanpanagak eta Izaskun Oregi irakasleak eman zituzten azalpenak Arrupe aretoan. Azkenik, Kurutziaga Hotelean bazkaritara batu ziren ordezkari guztiak.