Trafikoa arintzea da obraren helburua.
Gaur hasi dira Frai Juan Zumarraga eta Alluitz kaleen arteko biribilgunea egiteko lanak. Bost semaforo kenduta, trafikoa arintzea da obraren helburua. Gaur Iurretatik Durangorako zubia oinezkoentzako itxi dute alde batean, eta espaloia altxatzen hasi dira semaforoen parean.
Obra honegaz, Durango semaforo barik uzteko egitasmoak aurrera jarraitzen du. Frai Juan Zumarraga kalean bertan, Lehendakari Agirre kaleagaz lotunean, kendu beharko dituzte oraindik.