\'BAGOAZ. Euskal Herriak independientzia\' lelopean independentziaren aldeko eguna eta Martxa Berdea antolatu du Independentistak Sareak Durangon. Bihar, abenduaren 6an, izango da eta herritar guztiei parte hartzeko deia egin die.
|
"Euskal Herriari naziotasuna eta bere etorkizuna erabakitzeko eskubidea ukatzen dion konstituzio arrotza ospatzera behartzen gaituzten
egunean", independentziaren aldeko aldarria atera gura dute kalera," inposakeari erantzuteko erarik onena" dela eritzita. Parte hartzera
deitu dituzte herritarrak, "denok elkarturik, aniztasunean, asko
garela eta euskal estatua sortzeko bidean aurrera egiteko prest
gaudela erakusteko", diote. "Elkarturik gure sentimendu eta
ilusioak konpartitzeko eta independentziaren aldeko auzolan
erraldoia martxan jartzeko konpromisoa berresteko".
Egun osoko egitaraua antolatu du Independentistak Sareak. Azoka irekitzearekin batera hasiko da, eta etengabe izango dira ikuskizunak
eta jarduera parte hartzaileak Azoka ondoko zabalgunean eta herrian zehar, Donostian egindako agerraldian azaldu dutenez. Kultura,
euskara eta sormen munduko pertsonek izango dute protagonismo nagusia, eta euren ekarpenetan oinarrituko da ekimena,
antolatzaileek gaineratu dutenez.
Besteak beste, Bagoaz, hamaika arrazoi dauzkagulako liburua aurkeztuko dute, 14:00etan. Ekarpen ariketa "oso aberatsa" izan da Independentistak Sareakeko ordezkarien berbetan: "arrazoi asko
metatu ditugu-eta, ondoren, material guzti hori oinarrizko tresna
erabilgarri bilakatzeko, hamaika arrazoi nagusitan bildu eta laburbildu dugu. Argitudutenez, "ez da independentziari buruzko azterketa
sakon eta zabala, alderantziz, hausnarketa eta eztabaida sakonagoak sustatzeko oinarri-oinarrizko materiala da, eta edozein independentistarentzat bere argumentarioa aberasteko eta borroka ideologikorako baliagarria izango dela uste dugu". Durangoko Azokan egongo da salgai.