Herrira mugimenduak Lipdub nazionala egingo du abenduaren 8an, Durangoko alde zaharrean.
Herrira mugimenduak euskal preso politikoen eskubideen aldeko Lipdub-a egingo du abenduaren 8an. Aurkezpenean, Ziortza Jaiok esan du, ekimen honegaz mobilizatzeko beste modu bat proposatu gura dutela, jolasaren bidez.
Partaideek abesti bigaz kantatu eta dantzatuko dute, kamera bat ibilbidetik pasatzen doan bitartean. Grabazioa, urtarrilaren 12an Bilbon egingo den manifestazioaren promoziorako erabiliko dute.
Durangoko Azoka dela aprobetxatuz, hainbat artista gonbidatu dituzte: Gontzal Mendibil, Kirmen Uribe, Pirritx eta Porrotx... Txan magoa ere aurkezpenean izan da. Gidoia Oier Gonzalezek eta Peru Magdalenak idatzi dute. Magdalena: “Lipdub-a elkartasun leherketa kolosala izango da”. Rosi Aranburuk adin guztietako jendea deitu du: “Mobilizazio eredu hau ‘gozada’ bat da”. Landakon hasiko da, 15:00etan.