Tabakoaren legea dela-eta, ugaritu egin dira tabernaz kanpoko mahaiak, baita upel estiloko altzariak ere. Azken urteotako garapena eta ostalarien eskaerak ikusita, udalak terrazak ipintzeko ordenantza berria aho batez onartu du.
+Dendak elkartearen ekarpena jaso du arautegiak. Merkatariez gainera, oinezkoak ere kontuan hartu dituzte arauak zehazteko. Terrazen eta hormen artean espazioa utzi beharko dute beti, oinezkoen pasabideak ez desagertzeko. Kalearen arabera espazioa handituko da, baina metro bi edukiko ditu gutxienez.
Udalak hainbat baldintza tekniko ipini ditu, eta zonaldeka irizpide estetikoak bateratzea proposatu du. Berogailuak eta estalpe finkoak ezartzea ere posible izango da.