Abadiño, Atxondo, Durango, Elorrio, Iurreta, Izurtza, Mañaria eta Zaldibarko merkatari eta ostalariek erosketa bateratuak egiteko elkartu daitezke, horrela kostuak murriztua. Abiatu dute Batza Durangaldea erosketetarako plataforma birtuala.
+Dendak merkatari elkarteak abiatutako ekimenak 173 establezimendu batu ditu dagoeneko. Askotariko zerbitzuak aukeratu daitezke: aseguruak, webguneak, etiketatzaileak, eta, su-itzalgailuen erosketa eta mantenimendua, besteak beste. Gainera, azaldu dutenez, establezimenduetako enpresariek erosketa-taldeak sortu ditzazkete euren premien arabera, eta horrela zerbitzu berriak proposatu.
Durangoko Merinaldearen Amankomunazgoaren diru-laguntzekin sortu du Batza Durangaldea +Dendak merkatari elkarteak. Erakunde biek akordioa sinatu zuten maiatzean. "Erosketa-zentral bat sortzea du helburu akordio horrek, horrela Durangaldeko establezimenduek produktuen eskuratze kostuak merketzea lortuko dute lehiakorragoak izateko", nabarmendu dutenez.
Ekimenean parte hartu gura duenak www.batzadurangaldea.com webgunean sartzea dauka. Baita e-mail bat bideltzea ere honako helbidera: info@batzadurangaldea.com. 945 267 289 telefono zenbakira ere deitu daiteke.