Atzerritarrek ahozko euskara zein gaztelania hobetzeko laguntza-tresna izatea da helburua.
Durangoko Udalak, Gurutze Gorriaren eta Helduen Hezkuntzarako Ikastetxearen laguntzaz Hitz egidazu boluntariotza linguistikoari buruzko programa jarri du martxan hirugarren aldiz.
Programak atzerritarrak gaztelaniaz edo euskaraz alfabetatu eta hizkuntza ikasteko prozesuetarako laguntza-tresna izan nahi du. Baita kulturartekotasuna bultzatzeko gunea ere. Ahozko euskara zein gaztelania hobetu nahi duten atzerritarrei laguntzeko prest dauden pertsona bana bilatzen ahaleginduko dira.
Etorkinen harrera eta integrazio-prozesuak erraztu eta kultur arteko harreman-guneak sustatzeko asmoz, programa ekintza ludiko eta hezigarriez osatuko dute. Ekimenean parte hartzeko, udal web orrian dagoen inskripzio-orria bete behar da: www.durango-udala.net.