EH Bilduk Lehendakaritza eskuratuz gero osatuko lukeen gobernu taldea aurkeztu du. Durangaldeko ordezkari bi egongo lirateke bertan: Julen Arzuaga eta Marian Bilbatua.
![\"\"](\"/fc_imagenes/Julen-Arzuaga-lomo.jpg\")
Areta-Laudion jaiotako da Julen Arzuaga, baina, gaur egun Berrizen bizi da. Herritarren askatasunak sailburutza hartuko luke berak. Zuzenbideko lizentziaduna da eta Zuzenbide Konstituzionaleko doktoregaia; 40 urte ditu. NBEko hainbat erakundetan aritu da, eta tortura eta herrien eskubideekin lotutako gaiak landu ditu. Euskal Herriko Giza Eskubideen Behatokiko kide izan da.
![\"\"](\"/fc_imagenes/Mariam-Bilbatua-lomo.jpg\")
Hezkuntza, Kirola eta Kultura hartuko luke Marian Bilbatuak (Getxo, 62 urte). Politika Zientzietako lizentziaduna da eta Hezkuntza Zientzietako doktorea. Durangon bizi da eta Mondragon Unibertsitateko Huhezi fakultateko irakaslea da.