50 irudi aurkeztu ostean, bost finalista daude.
Hogei laguneko lan-talde bat Durangorentzako marka edo irudiaren bila dabil. 50 diseinu aurkeztu dituzte lehiaketara, eta bost finalistaren artean erabaki beharko dute. Alderdietako ordezkariez gainera, herriko kirol eta kultur elkarteetako kideak ere badaude taldean. Bigarren fasea hasi dute orain: sare sozialen bidez iritzia emateko eskatu diete herritarrei.
Iker Oceja zinegotziak adierazi du era erakargarrian eta biztanle eta enpresak aintzat hartuta egin gura dutela prozesua. Beste esparru batzuetako marketin teknikak udalean aplikatu gura dituzte: “Hiriak, diseinatu eta komertzializatu beharreko produktuak dira”.