Jabekuntza eskolen bitartez sortutako ahots eta perkusio tailerretan parte hartutako emakumeek jardunaldia berezia egingo dute, ekainaren 3an, Durangon. Santa Anan eta Alde Zaharrean jardungo dute, 13:00ean hasita.
Silvia Palumbo kantautore argentinarrak, musika-bandak sortzen esperientzia luzea duenak, hainbat udalerritan eskaini ditu emakumeentzako ahots eta perkusio tailerrak. Jabekuntza eskolen esparruan eskaini izan dira zenbait udalerritako berdintasun sailek bultzatuta. Iaz, Ermua, Basauri, Gasteiz, Ondarroa eta Getxok parte hartu zuten, aurten, Durango, Abadiño eta Billabona gehitu zaizkie.
Aste honetan amaitzen dira udalerri ezberdinetan egiten ari diren tailerrak, hortaz, “joaldi” honekin ikastaro amaiera eta (emakumeen) bide berriaren hasiera ospatu nahi da, nabarmendu dutenez.