Dendariek bezero bakoitzaren izaerara moldatu eta saltzaileen gaitasun pertsonalak hobetzen ikasiko dute ikastaroan.
Adimen emozionala eta coachinga landuko dituzte ikastaroan. +Dendak elkartetik adierazi dutenez, "merkataritzan tresna teknologikoak eta marketinga erabiltzen dira berrikuntzarako, baina azken teknologiek gutxirako balio dute ez badira salmentarako gaitasun pertsonalak lantzen".
Ikastaroan komunikazioan ipiniko dute arreta; "berbazko mintzaira eta ez-berbazkoa egoki erabiltzea". Adimen emozionala landuko dute bezeroa dendatik "konbentzituta eta asebeteta" irten dadin: "ezinbestekoak dira pertsona arteko hartuemanen e ta motibazio teknikak".
Maiatzaren 14an, 15ean, 16an, 21ean, eta 22an eskainiko dute tailerra +Dendak-eko formazio gelan. Ordutegia 14:30etik 16:30era izango da. Izena emateko elkarteko telefonora –94 681 81 41– deitu daiteke, edo emaila idatzi gatcdurango@masdendak.com edo comercio@masdendak.com helbidera.