Domekarako Eidxu salto kalera! lemapean Zapaburu Eguna antolatu du Zapaburu konpartsak: “Gazteok elkar ezagutzeko eta gure buruari frogatzeko zerbait desberdina egin dezakegu”. Durangoko gazte guztiak gonbidatu dituzte parte hartzera.
Hamaiketakoagaz eta tertuliagaz hasiko dute egitaraua 11:00etan, Andra Mariko elizpean. Gero ‘altxorraren bila’ ibiliko dira eta, 15:00etan, bazkaritarako batuko dira elizpean bertan.
Herrikon, Kalekantoin eta Arkarazon eros daitezke tiketak. Jolasak, triki-poteoa eta mural margoketa egingo dituzte arratsaldean; iluntzean gaztetxean ekitaldia, luntxa eta kontzertua.