Euskal Herrian Euskaraz-ek martxoaren 17rako eratu duen jaialdirako autobusa ipini dute.
Euskaraz Bizi Eguna martxoaren 17an izango da, Donostian, eta Madalenako geltokitik autobus batek irtengo du, 10:30ean. Buelta jaialdia amaitzean izango da. Egitarau zabal antolatu dute: Bonberenea Txaranga eta Porrotx, puzgarriak, kantu-jira, tailerrak, manifestazioa eta herri bazkaria, esaterako. Betagarri eta Skakeitan taldeen kontzertuagaz itxiko dute jaialdi honen hirugarren edizioa.
Euskal Herrian Euskaraz da antolatzailea, eta Durangaldeko hainbat eragilek babesa agertu diote ekimenari: Berbaro euskara elkarteak, Zapaburu gazte konpartsak, Durangaldeko AEK-k, Gazte independentistek, Durangaldeko Ikasle Abertzaleek eta Kimuak aisialdi elkarteak. “Euskaldun eta burujabe izateko determinazioari beste bultzada bat ematera”gonbidatu dute.