Durangoko Udalak gazte lokalen inguruko ordenantza onartu du, eta horri buruzko batzarra deitu du Bilduk, oposizioko alderdi nagusiak. Gazte lokaletako erabiltzaileak gonbidatu dituzte: zapatuan, 12:00etan, Pinondo etxean
Batzar horretan gazte lokalen ordenantza azaltzeaz gainera, denen artean balorazioa egin eta aurrerantzean jarraituko dituzten ildoak erabaki gura dituzte, jakitera eman dutenez.
Ordenantza egiterakoan, gazteen parte-hartzerik ez zela egon kritikatu du Bilduk: “Beti gazteei buruz berbetan ari gara eta sistematikoki baztertuak izan ohi dira erabaki guztietatik”. Azaldu dutenez, udalak ez ditu gazteak informatu, eta Bilduren asmoa informazio hori ematea eta iritziak jasotzea da. J.G.