EAJk Durangori hainbat proiektu “zor” dizkiola salatu du asteon Alderdi Ssozialistak: kanpo eraztuna, San Faustoko zentro zibikoa, kultur etxea eta Frai Juan Zumarragako biribilgunea.
Egitasmo horiek egin barik daudela kritikatu du Pilar Rios PSE-EEko zinegotziak. “Alkateak trenbidearen lurperatzeagatik Eusko Jaurlaritza erasotzea”salatu du, “bere alderdiak Durangori hainbat proiektu zor dizkion bitartean”.
Sozialistek Durangoko saihesbidea amaitzeko premia nabarmendu dute: “Kanpo eraztunari dagokionez, Urki kaleko hirigintza proiektuari lehentasuna eman zaio”, Riosen berbetan, “hutsune asko dituzten auzoetan milaka herritar zain dauden bitartean”.