Hobariak izango dituzte zaharberritze lanengatik.
Dendari eta ostalariek laguntzak izango dituzte zerga batzuk ordaintzeko, Durangoko Udalak ordenantza fiskalei egindako zenbait alegazio onartu eta gero.
Merkatarien +Dendak elkarteak aurkeztu ditu alegazio horiek, eta zaharberritze lanetan laguntzeko eta birziklapena bultzatzeko balioko dute.
Eraikuntzen zergari dagokionez, zaharberritze lanengatik ordaindu beharreko diru kopuruan % 90eko hobariak izango dituzte Durangoko dendek eta tabernek.
Ingurugiroagaz eta iraunkortasunagaz zerikusia daukan alegazioa ere onartu du udalak. Paperaren eta kartoiaren birziklapenzerbitzua erabiltzen duten merkatariek % 90eko hobaria edukiko dute zaborren gaineko zergan. .