Pintura eta antzinako objetuen erakusketa ikusi daitekez gaur Andaluziako zentroko aretoan, bihar, berriz, \'La terracita de Doña Paula\' antzezlana aurkeztuko du Durangoko Nagusien Egoitzako Gora ta Gora taldeak, 20:00etan.
Flamenkoari omenaldia egingo diote lagunartean azaroaren 26an, zapatuan. Durangoko Orfeoiak eta Durangoko Andaluziako Zentroko Roziotako koroak ekitaldia eskainiko dute 19:30ean, San Agustin kulturgunean. Domekan, hilaren 27an, dantza alardea eskainiko dute Plateruena kafe antzokian, 12:00etan: Herri Maitek, Kriskitin dantza taldeak eta Andaluziako Zentroko Dantza Taldeak parte hartuko dute. Bazkide eta bisitarientzako luntxa eskainiko dute 14:00etan, Andaluziako zentroan.