Tabira Txiki eta Durangaldeako HOAC taldeek antolatuta, Joxe Arregik berbaldia eskainiko du gaur, 20:00etan, Durangoko Elkartegian.
Arregi Frantziskotar fraidea eta teologian doktorea da, eta Jesusen barri ona XXI. menderako gaiari buruz jardungo du berbetan; bere azken liburua aurkezteko aukera ere izango du.
Arregi azkenaldian ospetsua egin da, Munilla Gipuzkoako gotzainagaz izan dituen gorabeherengatik, baina lehenago ere lan isila egindakoa da. Besteak beste, hainbat liburu idatzi ditu: Jainkoaz galdezka. 40 euskal idazleren erantzunak, Jainkorik bai ala ez?, Oinatzak bidean. Erlijioen historia… Pariseko Institutu Katolikoan Teologian lizentziatu eta doktoratu zen, eta Gasteizko eta Deustuko Teologia Fakultateetan irakasten du. Horrez gain, Hemen erlijio-aldizkariaren sortzailea eta zuzendaria da.