Uztartuz elkarteak antolatuta, barikuan, azaroaren 4an, 20:00etan, Bidezko Merkataritzari buruzko informazio-hitzaldia eskainiko dute Eleizetxeako aretoan
Uztartuz elkarteko kideen ustez, “erosten dugun produktu bakoitzaren atzean bizitza asko daude; horregatik, Bidezko Merkataritzak erlazio aske, zuzen eta zintzoa sustatzen du txirotutako ekoizle, kontsumitzaile eta irabazi asmorik gabeko artekarien artean”.
Apurka-apurka, Bidezko Merkataritza hazten ari dela diote; iaztik hona %24 hazi ei da estatu mailan. Hitzaldian bertaratzen direnen dudak argitzen ere saiatuko dira.
Gaurko informazio-hitzaldiaren bitartez, jendea Bidezko Merkataritzako produktuak eskatzera eta probatzera bideratu gura dute Uztartuz elkarteko kideek.