Orain zazpi urte, Haroko kanpin-ean bizikletan zebilela, auto gidari batek Enaitz Iriondo durangarra harrapatu zuen, 17 urteko gaztearen heriotza eraginez.
Harrezkero, hainbat arrazoi tarteko, gidariaren kontrako prozedura bat baino gehiago abiatu dute gurasoek. Justiziaren arloko estamentu guztietara jo dute, herri mailakoetatik hasi eta Europako Auzitegiraino. 2009an Estrasburgoko Auzitegian errekurtsoa aurkeztu zuten, eta asteon jakin dute nazioarteko auzitegiak euren errekurtsoa atzera bota duela: “Dezepzio handia izan da. Gutxienez Espainiako justiziaren gestio txarrari aipamen bat egingo ziotela espero genuen, gure urte luzetako borroka aintzat hartuko zutela, baina hori ere ez”, dio Rosa
Trinidad Enaitzen amak.
Ez dakite hurrengo pausoa zein izango den, baina argi du ez direla “besoak gurutzutatuta” geratuko: “Egoera aztertu behar dugu. Zerbait egingo dugu, bestela justiziagan sinesteri utziko genioke”.