Goienkale kaleko jaiak ospatuko dituzte asteburuan, + Dendak elkarteak antolatuta. Gaur, 19:00etan, txaranga-poteoa egingo dute.
Bihar, 11:00etatik 14:00etara eta 16:00etatik 19:00etara umeendako parkea zabalduko dute. Eguerdian, 12:30ean, dantzariek emanaldia eskainiko dute eta 14:00etan sardina janera joateko gonbita luzatu dute. 17:00etan mus txapelketa jokatuko dute Maite tabernan. 23:30ean, berriz, Jare taldeak kontzertua eskainiko du; Idi Bihotz taldeko kide izandakoek osatutako taldea da Jare. Domekan, jubilatuen bazkaria egingo dute Anboto tabernan.