Durangoko Musika Bandak kontzertua eskainiko du bihar, irailaren 17an, Tronperri dantza taldearen urrezko ezteguak ospatzeko ekitaldien barruan.
Arratsaldeko 20:00etan hasiko dute kontzertua Andra Mariko elizpean. Tronperriko dantzariek ere parte hartuko dute kontzertu berezian, musika bandako errepertorioan dantzarako aukeratutako hainbat abesti egongo dira-eta.
Ekainean hasi zen Tronperri bere 50. urteurrena ospatzen, eta datorren ekainera bitartean hainbat ekintza antolatuko dituztela azaldu dute dantza taldeko arduradunek.