Durangoko Udaleko Aukera Berdintasun Sailak eta Andraguneak hurrengo hileetan emakumeen jabekuntzari buruz antolatuko diren ikastaroen berri eman du.
Urrian hasiko direnen artean daude txalaparta ikastaroa eta Emakumezkoen abangoardia: Londres 1900-1940 izenekoa.
Ikastaroek plaza mugatuak dituzte, eta aurrez izena emateko epea irailaren 21ean amaituko da; 11:00etatik 13:00etara eta 18:00etatik 20:00etara, Andragunean. Ondoren, zozketa egingo dute aurretik izena eman duten emakume guztien artean. Jakinarazi dutenez, haurtzaindegi zerbitzua egongo da, aldez aurretik eskatuz gero. Ikastaro denak www.durango-udala.net webgunean daude ikusgai.