Zapatuan eta domekan Izotz-aroko gizon neanderthalari buruzko erakusketa ikusgai egongo da Landako Gunean. 1.300 metro karratutan sasoi hartako gizakia zelan bizi zen jakiteko moduan egongo da hainbat euskarriren bidez; imagina animatuak, muntaia entzungarriak, panel informatiboak, eguneroko bizitzan erabiltzen zituzten objetuen bildumak…
Erakusketan Izotz-aroan existitu ziren animalien (mamuta, hartza…) tamaina errealeko maketak ere egongo dira. Muntaia berean, baina beste erakusketa baten moduan antolatuta bisitariak dinosaurioen maketak (T-Rex, Triceratops…) ere ikusi ahalko ditu.
![\"\"](\"/fc_imagenes/Nean(1).jpg\")
![\"\"](\"/fc_imagenes/nean1.jpg\")
Erakusketa 11:00etatik 21:00etara egongo da zabalik eta sarrera 9 euro da helduentzako eta 6 euro 3-12 urte arteko gaztetxoentzako.
Belgikar baten ekimena
Orain 10 urte, Dirck Claesen artista plastikoak sustatu zuen proiektu hau. Bere asmoa, dibertsioaz gainera, heziketarako ere baliagarria izango den erakusketa informatibo-ludikoa antolatzea izan zen. Belgikan eta Frantzian arrakasta handia izan du ekimenak.
![\"\"](\"/fc_imagenes/Nean3.jpg\")