Gobernu Taldeak eta PSE-EE akordioa lotu dute ia 300 erabiltzaileren kexak jaso ostean, eta irailaren 18ra arte egongo dira zabalik Tabirako igerilekuak udan. Horrela jakin eragin dute sozialistek. Durango Kirolak erakunde autonomoak ekainaren 17tik irailaren 4ra arte zabaldu gura izatea kritikatu izan du PSE-EEk.
Pilar Rios zinegotzi sozialistak azaldu duenez, "askok irailean hartzen dituzte urteko oporrak eta igerilekuak irailaren 4an ixteak, praktikan, azpiegitura hori erabiltzeko aukerarik gabe geratzen dira". Ildo horretan jaso dituzte udal arduradunek, batez ere, kexak.
Sozialisten ustean "justifikatugabeko neurria" da igerilekuak irailaren 4an itxi gura izatea: "Beste behin ere, zalantzan jartzen du publikotasunak duen balioa eta durangarrok kalitatezko udal zerbitzuak jasotzeko dugu eskubidea ere bai". Bestalde, Riosek gogoratu du udako bonoak hiruhilabetekoak direla, eta, beraz, tasa horien aldaketa osoko bilkuran onartu behar dela.