Gaur, txupinazoagaz, hasiko dituzte Sanpedroak.
Gaur arratsaldeko 19:00etan botako dute Tabiran San Pedro jaien txupinazoa, eta iluntzean tortila jana edukiko dute Rex erromeriagaz. 22:00etan, berriz, The Dos taldeak kontzertua eskainiko du. Ekitaldiz betetako asteburuaren lehenengo eguna izango da.
Bihar goizean goiz hasiko da mugimendua Tabiran: umeentzako jokoak, marmitako prestaketa, musa, partxis eta igel txapelketa, kontzertuak... gauera bitarteko giroa edukiko dute.
Domekan 12:00etan artzai txakur erakusketa egongo da, eta arratsaldean Trial Bike eta sabeldantza emanaldiak egingo dituzte. Eguaztenean amaituko dira Tabirako jaiak.