Eguraldia lagun, Ezkurdi Plazan jende ugari batu zen zapatuan Munduko Arrozak jaian. Hogei talde inguruk arroza prestatu zuten eta hainbat kolore eta zaporedun arrozak egon ziren dastatzeko.
Durangoko hainbat elkarteko lagunek eta norbanakoek prestatutako arrozaren inguruan 300 lagunetik gora gerturatu zen zapatuan Ezkurdira. Tartean, adibidez, Senegalen edo Ghanan prestatzen duten arrozak zelako zaporea duen dastatzeko aukera egon zen. Zubiguneak Durangoko elkarteen tailerrak antolatuta, hirugarren aldiz egin da jai hori Durangon.
Bazkaria eta gero, musika ekitaldiak, ipuin-kontalariak, txarangak eta txokolatada izan zuten Ezkurdi Plazan.