‘Km-0: Sakabanaketaren mila aurpegiak’ ekimena aurkeztuko dute Plateruenean domekan.
Senide eta lagunak bisitatzeko hainbat euskal herritarrek kartzeletara egiten dituzten joan-etorrien berri emango du Km-0: Sakabanaketaren mila aurpegiak proiektuak. Hainbat adierazpen artistikotatik abiatuta, sakabanaketaren eta bere ondorioen gaineko lanak aurkeztuko dituzte domeka honetan Plateruena kafe antzokian; 19:00etan hasiko da ekitaldia.
Domekako aurkezpenean bideogintza, argazkilaritza, web orrialdeak, kale erakusketak, dantza, performacea eta senideen testigantzak izango dira ikusgai eta entzungai.
Antolatzaileen berbetan, “komunikazio eta gizarte proiektua da Km-0: proiektua, eta handitzen duen edozein arte adierazpeni irekita dago”. Nabarmendu dute helburu nagusia “desagertzea” eta “hurrengo belaunaldientzat dokumentu bat izatea” dela: “Euskal gizartearentzat eta nazioarteko gizartearentzat ezezaguna den egia ilun bat argitzeko sortu zen egitasmoa”.