Saibigain kalea Saibi kalea izatera pasatuko da, eta Fray Juan de Zumarraga,Frai Juan Zumarraga, euskal ortografiagaz. Kale izendegian aldaketak egitea onartu du Durangoko udalbatzak; aldaketak Alberto Errastiren toponimia ikerketan oinarritu dira
Saibigain kalea Saibi kalea izatera pasatuko da, eta Fray Juan de Zumarraga,Frai Juan Zumarraga, euskal ortografiagaz. Kale izendegian aldaketak egitea onartu du Durangoko udalbatzak; aldaketak Alberto Errastiren toponimia ikerketan oinarritu dira.
Alderdi gehienek aldaketak \"lehen pausua\" direla azaldu dute, eta kale izenen aldaketarako batzorde berezia sortzea adostu dute. Talde Mistoa abstenitu egin da, \"eztabaida sakonagoa behar delako\". PPk kontra bozkatu du.
Rubial eta Leizaola
Aldaketez gainera, Faustegoienako kale berrietarako Ramon Rubial eta Jesus Mari Leizaolaren izenak ipintzea erabaki dute udalbatzarrean. PSE-EEk eta EAJk adostutako izenek eztabaida sortu dute.
Aralarrek eta Talde Mistoak \"inkoherentzia\" salatu dute: \" bi kale berri ideologikoki lerrokatuak izango dira\", Aralarren ustez. Talde Mistoak azaldu du \"toponimia ikerketa bultzatu eta gero PSE-EEk eta EAJk \"kromo aldaketa\" egin dutela, \"bakoitzak bere prismatik izena proposatuz\".
EAJk eta PSE-EEk bi pertsona horiek \"balore demokratikoak momentu gaitzetan defenditu\" zituztela eta kaleei euren izena ipintzea \"omenaldi justua\" dela aldarrikatu dute.