Korrikari lotutako lehiaketan parte hartuko du Berbaro elkarteak, Gurean euskaraz egitasmokoekin osatutako bideo honegaz.
Badator bi urterik behin ospatzen den Korrika. AEKk eratutako ekimen honen harira Euskaraklipa izeneko bideo lehiaketa ere sortu da, Korrikaren lema nagusia oinarri duena:
Maitatu, ikasi, ari...Euskalakari!. Berbaro elkarteak parte hartuko du lehia honetan, eta
Gurean euskaraz egitasmokoekin -euskara errefortzuetan izaten diren etorkinekin- osatu du bideoa. Laster,
Korrikaren webgunean bozka emateko aukera egongo da.
Gurean euskaraz
Euskara iaksteko errefortzuak eskaintzen dituen proiektua da
Gurean euskaraz. Duela 4 urte sortu zen Durangon, eta dagoeneko Iurreta eta Berrizera ere zabaldu da. Ikastetxeetatik elkarlanean bideratzen da zerbitzua. Ikasle gazteenak astelehenetik eguenera bitartean izaten dira saioetan, 17:00etatik 19:00etara. Nagusiak astean ordu bitan elkartzen dira, euren ordutegi aukeren arabera.