Grebarako deialdia zabaldu dute Durangoko kaleetan

Gehiengo sindikalak deituta langile ugari batu da eguerdiko manifestazioan. San Ana plazatik abiatu dute protesta, 12:30ak pasata. 200 lagunetik gora ibili dira kalez kale grebarako deialdia eginez. Gaur, dagoeneko, greba bultzatzera eraman dituzten arrazoiak jendarteratu dituzte; megafonia eta panfleto bidez zabaldu dute aldarria. Landakon amaitu dute mobilizazioa. Durangoko Gizarte-Segurantzaren Instituzio Nazionalaren aurrean, urtarrilaren 27ko greba orokorra defendatu eta argudiatu zuten martitzeneko prentsaurrekoan ELA, LAB, STEE-EILAS, EHNE, HIRU sindikatuek osatutako gehiengo sindikalak. Horregaz batera, gaur (urtarrilak 14), 12:30ean, Santa Anatik abiatuko den manifestazioan parte hartzeko deia egin zuten. [img]http://www.anboto.org/images/8600/8699/1.jpg[/img]