Kontrolerako osoko bilkuran Durangoko trenbidearen lurperatzearen inguruan galdetu dio Aralarrek Jaurlaritzari
Kontrolerako osoko bilkuran Durangoko trenbidearen lurperatzearen inguruan galdetu dio Aralarrek Jaurlaritzari. Etxebizitza sailak eta Udalak hitzarmena egiteko orduan \"malgutasunez\" jokatu duela esan du Arriola sailburuak. Aralarrek \"begi onez ikusiko luke\" bi erakundeen arteko akordio, baldin eta \"libratuko den lur eremuan eraikiko diren babes sozialeko 100 etxbizitzak alokairuzko sozialekoak izatea eta kudeaketa bi erakundeek burutzen badute\".
Aralarren legebiltzarkide eta Durangoko zinegotzi Dani Maeztuk \'Durango Operazioaren\' inguruan galdera egin dio Etxebizitza, Herri Lan eta Garraio sailburu Iñaki Arriolari. Gai horri buruz Durangoko Udalaren eta Eusko Jaurlaritzaren arteko negoziazioa \"zein puntutan dagoen jakiteko asmoz\" egin diola galdera jakitera eman du Aralarrek. Jaurlaritzak Durangoko Udalari aurkeztutako hitzarmenak \"ez duela legea betetzen\" dio Aralarrek. Maeztuk azaldu duenez, \"Durangoko Udalari eskainitako hitzarmenak jasotzen du Udalak ordaindu beharko lukeela trenbidearen desegiteak eragingo lituzkeen gastuak. Baina horrelakorik egitea ez da posible, legea eskutan hartuta. Ez da zilegi trenak 126 urtez herria banatuta izan eta trenbidea lurperatzeko akordioa lortu ostean, operazioa bukatzeko azken urratsak eman behar direnean dirua ordain dezala eskatzea Durangoko herriari\".
Gai horren gainean galdetun dio, Aralarren legebiltzarkideak Garraio sailburuari. Maeztuk gogoratu du \'Durango Operazioa\' burutzeko, jada onartu zela PERIa (Plan Especial de Reabilitación Interior). Planak etxebizitza kopuru jakin bat eraikitzeko eskubidea onartu ziola Jaurlaritzari dio legebiltzarkideak. \"Plan horren ondorioz, aprobetxamenduen gehiegizko adjudikazioak ateratzen ditu Eusko Trenek\", gaineratu du Maeztuk.
Aralarren legebiltzarkideak finantzazioa adosteko ordua dela aldarrikatu du, \"Durangoren hazkundea eta garapena baldintzatu baitu trenbideak urte luzez eta orain ez da moralki ez etikoki zuzena herriari diru hori ordain dezala eskatzea \", salatu du Maeztuk. \"Trenbidea lurperatzeagatik libratuko den lurzorua udalari ezer ordaindu gabe emateko ordua da\" exijitu dio Etxebizitza, Herri Lan eta Garraio sailari, eta \"horrela, EuskoTren XXI planean jasotzen dena bete dezala\" eskatu dio.
Etxebizitza eta Garraio sailburu Iñaki Arriolak erantzunean esan duenez, \"malgutasunez jokatuko du sailak eta libratuko den eremuan Babes Ofizialeko Etxebizitzak eraikitzeko prest dago. \"Eraikiko diren 100 babes ofizialeko etxebizitza horiek alokairu sozialean kudeatzeko Udalaren eta sailaren arteko akordioa lortzen bada begi onez ikusten dugu proposamena\", esan du Aralarren legebiltzarkideak.