\"Berdin zaigu nork egingo duen eta zein motako eraikina izango den, baina egitea exijitzen dugu\". Dani Maeztu Aralarreko legebiltzarkideak Garraio sailburuari Euskotrenen egoitza egitea eskatu dio.
Azpiegituren arloko inbertsioak arbitrariotasunez egitea leporatu dio Iñaki Arriolari. Maezturen esanetan, Durangoren garapenerako egoitza berriak berebiziko garrantzia handia du: \"Trenaren lurperatzea dela eta, zerbitzu-hiri izaera areagotuko luke Durangorentzat\".
Gaur egin den Legebiltzarreko kontroleko bilkuran Garraio sailak Durangaldea \"zigortu\" egin duela esan du Maeztuk: \"A-8aren ordainsariak, garraio-lotura tamalgarriak, AHTaren ibilbidea... eta orain kolpe hau jaso dugu\".
Proiektua kolokan
Egoera ekonomikoa dela eta, Euskotrenen egoitza berriaren inguruan hausnarketa tarte bat hartu behar duela azaldu du Etxebizitza, Herri Lan eta Garraio sailburu Iñaki Arriolak. Ordutik
ika-mika izan da Durangoko Udalaren eta Garraio sailaren artean.