‘Agurrik gabeak’ borrokalari antifaxistei II. omenaldia antolatu du Durango 1936 elkarteak, urriaren 23an. Olmako tximiniaren alboan egindako aurresku eta lore-eskaintzarekin hasiko da ekitaldia, 20:00etan. Ondoren, Plateruena kafe antzokian egingo dute aurkezpena.
‘Durango, oroimenaren gogoan’ dokumentala aurkeztuko dute, 20:30ean Plateruenean, eta ondoren Fermin Balentziaren kantaldia izango dute. 1936ko estatu kolpe faxistari aurre eginez eta Errepublikarekin eta Euskadiko Gobernuarekin bat eginez, bizitza askatasunaren, justiziaren eta Euskal Herriaren nazio-eskubideen alde eman zuten durangar eta iurretarrei egin gura die gorazarre Durango 1936 elkarteak.