ETAk Jesús María Pedrosa hil zuela bederatzi urte direla gogoratu dute San Antonio komentuan gaur. 11:00etan hasi den mezaren ondoren, lore eskaintza egin diote kanposantuan, Pedrosaren hilobiaren ondoan.
Mezan eta ondorengo ekitaldian egon dira Pedrosaren emaztea, bere bi alabak, senide eta lagunak, eta hainbat kargu publiko: Antonio Basagoiti EAEko PPren lehendakaria, Anton Danborenea Bizkaiko PPren lehendakari orokorra eta Esther Martínez Bizkaiko PPren idazkaria. Durangoko Udaleko PPko zinegotziak ere hantxe izan dira.