Urteroko hitzorduari hutsik egin gabe, kalejira eta txistulariekin hasi dute gaur maiatzaren 1a dela-eta antolatutako jaia.
Zikloturista martxa hasiko dute 11:00etan, 11 urtetik beherakoek; 11:30ean gainerakoek. Kriskitin dantza taldeak saioa eskainiko du 12:30ean, eta tute txapelketa hasiko dute 17:00etan; 19:00etan Txantxiku txapelketa. Ume eta gaztetxoentzat gaztelu puzgarriak izango dira goizean eta arratsaldean.
Iñaki eta Jesusek emandako kontzertuarekin amaituko da eguna, 20:00etan. Aurretik, txorizoa bananduko dute.