Komentu kaleko 22an zabaldu du egoitza CNTk. Durangaldeko hainbat afiliaturen ekimenez: “Anarkosindikalismoa defendatzen dugu. Langileon arazoak langileok defendatu behar ditugu, ez gara inorekin fio. Klase gidariarengan konfidantza aspaldi galdu genuen”. Diotenez, “eskubideak ez dira ematen. Arbasoek asko sufritu zuten borrokaz lortzen diren lan-baldintza onak eskuratzeko”.Astegunetan egunero dago zabalik, arratsaldez, bolondresekin: “Langile batek lanpostua uzten badu sindikatuan funtzionario lez jarduteko, azkenean egokitu egiten da. Gainera, orain estatuak sindikatuen aurrekontuaren erdia ordaintzen du. Benetako etsaiak balira ez litzake hori gertatuko”.
“Nahiko hazi” ei dira
Sindikatu nagusien indarrik ez dutela aitortu arren, hiru urteotan “nahiko hazi” ei da CNT: “Espainian, eta Euskal Herrian be bai. transizioko sindikatu oportunistok bazekiten protagonismoa edukitzeko euren burua kapitalari saldu beharko ziotela. Guk ez genion horri jarraitu, eta, garbi dago, hori ordaindu egiten da”.