AHT! Gelditu elkarlaneko bi kide hormigoizko bidoi batera kateatu ziren atzo eguerdiko 13:15ean hiriguneko autoen eta Euskotren konpainiako trenen joan-etorria bi orduz etenaraziz. Suhiltzaileek kateatutako bi lagunak askatu zituztenean Ertzaintzak atxilotuta eraman zituen. Ondoren, aske utzi zituzten. "Trena gelditu dugu AHTaren proiektuan Euskotrenek eta Renfek duten erantzunkizuna salatzeko", azaldu dute Elkarlanetik.
Elkarlaneko kideek diotenez, "
herri eta eskualdeen arteko zerbitzua ematen duen tren bat geratu dugu AHTk ez
lukeelako horrelako zerbitzurik emango. AHTk ez gaitu lotuko ondoko
herriarekin edo eskualdearekin, hiriburuen artean bizi garen
herritarroi ez baitigu inolako zerbitzurik emango".