Durangok aurkeztutako Agenda 21eko Hiritarren Prestakuntza eta Parte-hartzerako Metodologia egitasmoa saritu du Udalsarea 21ek (Jasangarritasunerako Euskal Herriko Udalen Elkarteak). Plana egiteko erabilitako partaidetza metodologiagatik eta gauzatu diren ekintzengatik lortu du saria. Bestalde, ohorezko akzesita lortu du Durangoko Udalak ‘Klima Aldaketa’ kategorian, bulego zein etxe eraikuntzetan Ingurumen-irizpideen Ordenantza osatzeko egitasmoagatik. Guztira, 37 egitasmo aurkeztu dituzte 2008ko Udalsarea 21eko jasangarritasun planak saritzeko edizio honetan.