Udaleko lan kontratuen exekuzio eta balorazioetan, jasangarritasun irizpideak — ingurumena, berdintasuna, bidezko merkataritza…— zehaztuko lituzketen udal-ordenantzak egitea proposatu du Aralarrek, mozio batean, Jaurlaritzak bere sailetarako zehaztutako protokoloa eredu hartuz.
Hori Garapen Iraunkorreko Batzordearen bitartez egitea proposatu du, hiru hileko epe-muga zehaztuz.
Udal aurrekontu osoa aintzat hartuz, diru-erreserba egitea proposatu du: batetik, zerbitzuak eskaintzeko gizarteratze-enpresak eta enplegurako erakunde bereziak kontratatzeko eta, bestetik, hornikuntza-kontratuetan bidezko merkataritza-enpresak. Iazko zerbitzu eta kudeatze publikorako kontratuen aurrekontuaren %5-10 gordetzea eskatu du, eta horniketarako kontratuen aurrekontuaren %10 gutxienez.
Ordenantza fiskaletan bertan ezarri edo jarduera hirian bideratu gura duten gizarteratze enpresentzat hobariak bideratzea be proposatu du, sail guztietan kontratuak kudeatzen dituztenentzako formazioa ez eze.